مربعات بالسلق

المقادير  3  كيسان فرينة، ربع كاس زيت، 1ملعقة كبيرة خميرة فورية، 1ملعقة كبيرة ملح، كاس ماء دافئ، صفار حبة بيض، 1ملعقة كبيرة حليب لدهن سطح العجينة، جلجلان .الحشو 500 غ سلق منظف ومغلى ومصفى، ¼ كاس زيت، 3 بصل متوسطة الحجم مهشمة، رشة ملح، 1ملعقة صغيرة  فلفل أكحل، ملعقة كبيرة  فلفل أحمر، 2 سنينات ثوم مدروسة، ½ كاس فرينة، 1ملعقة كبيرة طماطم مصبرة، 3ملعقة كبيرة معدنوس مقطع رقيق.التحضير نخلط كل مقادير العجينة في الخلاط الكهربائي حتى نتحصل على عجينة متماسكة ونتركها ترتاح لمدة 30د.تحضير الحشو   في مقلاة نضع الزيت والبصل ونحمسها جيدا حتى تذبل، نضيف الثوم والسلق والتوابل والطماطم المصبرة، نطفئ النار ونترك الخليط يبرد. ثم نضيف الفرينة والمعدنوس، ثم على طاولة عمل مرشوشة بالفرينة نقسم العجينة إلى قسمين متساويين نقسم كل قسم على حدى. في صينية فرن مدهونة بقليل من الزيت نبسط القسم 1 من العجينة ثم نفرش الحشو فوق العجينة ثم نغطيها بطبقة ثانية من العجينة ثم ندهن السطح بمزيج صفار البيض وملعقة كبيرة  حليب ثم نرش الجلجلان ونضع الصينية في 180 درجة حتى تطهى تماما من الأعلى والأسفل ثم نخرج الصينية من الفرن ونتركها تبرد ثم تقطع إلى مربعات.